જીટીયુના કુલપતિ અને જીટીયુ જીએસપીના અધ્યાપક ડો. કશ્યપ ઠુંમરની ભારત સરકાર દ્વારા ૨૦ વર્ષ માટે પેટન્ટ મંજુર કરવામાં આવી

તાજેતરમાં જ કેન્દ્ર સરકાર દ્વારા સીંગલ યુઝ પ્લાસ્ટિક પર પ્રતિબંધ મૂકવામાં આવ્યો છે. પર્યાવરણની ઇકો સિસ્ટમને જાળવી રાખવા માટે રોજિંદા જીવનમાં પણ પ્લાસ્ટિકનો નહિવત ઉપયોગ થાય તે દરેકની મૂળભૂત ફરજ છે. ગુજરાત ટેકનોલોજીકલ યુનિવર્સિટી દ્વારા પણ વ્યવહારિક જીવનમાં પ્લાસ્ટિકથી મુક્તિ મેળવવા માટે અનેક પ્રકારના રિસર્ચ અને ઇનોવેશન કરવામાં આવે છે. ફાર્મા પ્રોડક્ટ્સમાં વપરાતા પ્લાસ્ટિક અંગે જીટીયુ સંચાલિત ગ્રેજ્યુએટ સ્કુલ ઓફ ફાર્મસીના અધ્યાપક ડો. કશ્યપ ઠુમ્મરે જીટીયુના કુલપતિ પ્રો. ડો. નવીન શેઠના માર્ગદર્શન હેઠળ ફાર્મા પ્રોડક્ટસની પેકેજીંગમાં વપરાતા પ્લાસ્ટિક અને સમયાંતરે પ્રોડક્ટમાં આ પ્લાસ્ટિક ભળી જવા અંગેના સંશોધનની પેટન્ટ ભારત સરકાર દ્વારા ૨૦ વર્ષ માટે મંજુર કરવામાં આવી. આ સંદર્ભે જીટીયુના કુલપતિ પ્રો. ડો. નવીન શેઠે જણાવ્યું હતું કે, ફાર્મા પ્રોડક્ટસ અને રોજિંદા જીવનમાં પણ પ્લાસ્ટિકનો જરૂર કરતા વધારે ઉપયોગ ટાળવો જોઈએ, જેથી પ્લાસ્ટિક દ્વારા થતી આડ અસરોને ટાળી શકાય. જીટીયુના કુલસચિવ ડો કે. એન. ખેર અને જીએસપી ડાયરેક્ટર ડો સંજય ચૌહાણે અધ્યાપક ડો. કશ્યપ ઠુમ્મરે અભિનંદન પાઠવ્યા હતાં.